Category Archives: Wararka maanta

Ogeysiis Waxaa La Ogeysiinayaa Dhamaan Qurbajooga Iyo Qolqoljooga Beel Waynta Solo-Madaw Ina La Qabanayo Shir Weyne Guud Oo Beeshu Kaga Tashanayso Aayaheeda 15/08/2015

Ogeysiis Waxaa La Ogeysiinayaa Dhamaan Qurbajooga Iyo Qolqoljooga Beel Waynta Solo-Madaw Ina La Qabanayo Shir Weyne Guud Oo Beeshu Kaga Tashanayso Aayaheeda 15/08/2015

Waxaa La Ogeysiinayaa Dhammaan Beelweynta Solomadaw Qurbajoog Iyo Qolqoljooba, Rag Iyo Dumarba,Ina La Qabanayo Shir Weyne Guud Oo Beeshu Kaga Tashanayso Aayaheeda InshalaahWaxaana Shirka Loo Asteeyay Inuu Qabsoomo 15/08/2015 Goobta Shirku Ka Dhici Doona Waa Degmada Qorilugud Ee Galbeedka Gobolka Buhoodle

Waxaa Lagu Adkaynayaa Ergada Guud Ahaan In Wakhtiga La Ilaaliyo,Gaar Ahaan Qurbajooga Ka Qeyb Gelayaa Inay Dalka Ku Soo Laabtaan Inta Ka Horeysa 10/08/2015

Wa billahi towfiiq
Wasalama Calaykum Waraxmatullahi wabarakatuhu
Guddida Beesha Solamadow UK.

Contact:sacadmuniir7@gmail.com

Madaxwaynaha Somaliland Oo Caawa Wasiir Ku Xigeen Cusub U Magacaabay W. Arrimaha Dibadda, Ku Xigeenkii Horena U Beddelay Xidhiidhka Golayaasha Qaranka

Axmed Maxamed Maxamuud (Siilaanyo), Madaxweynaha Somaliland ayaa caawa Wasiir ku xigeen cusub u Magacaabay Wasaaradda Arrimaha dibadda iyo iskaashiga caalamiga ah, waxaana wasiir ku xigeenkii hore loo Magacaabay Wasiir ku xigeenka Wasaaradda xidhiidhka Golayaasha Qaranka

sidaana waxa lagu sheegay war-saxaafadeed u qornaa sidan “Madaxweynaha Jamhuuriyada Somaliland Mudane Axmed Maxamed Silaanyo waxa uu digreeto madaxweyne oo summadeedu tahay JSL/M/XERM/249-3392/062015, ku magacaabay wasiir ku xigeenka Arrimaha dibeda Somaliland, isaga oo wasiir ku xigeenkii horena u bedelay Wasaaradda Xidhiidhka Goleyaasha, Cilmi Baadhista iyo Technology-yadda.
Wasiirrada la kala beddelay
Madaxweynuhu:-
Markuu Arkay:Qodobka 90aad, Faqradiisa 2aad ee Dastuurka Jamhuuriyadda Somaliland;
Markuu Tixgeliyey: Ahmiyadda weyn ay Wasaaraduhu u leeyihiin Dalka iyo dhismaha Qaranka;
Markuu Arkay:In baahi loo qabo buuxinta jagada Wasiir Ku-xigeenka Wasaaradda Arrimaha Dibedda iyo Iskaashiga Caalamiga ah ee Jamhuuriyadda Somaliland;
Markuu Ka Fiirsaday: Kartidiisa, aqoontiisa iyo hufnaantiisa shaqo;
Markuu Ku Qancay:In uu hanan karo xilkan loo magacaabay;
Wuxuu go’aansaday
In Mudane, Axmed Aadan Ismaaciil (Keyse), laga bilaabo taariikhda maanta uu ahaado Wasiir Ku-xigeenka Wasaaradda Arrimaha Dibedda iyo Iskaashiga Caalamiga ah ee Jamhuuriyadda Somaliland.
Beddel (Wasaaradda Arrimaha Dibedda iyo Iskaashiga Caalamiga ah)
Wuxuu go’aansaday
In Mudane, Mawliid Maxamuud Ibraahin, laga bilaabo taariikhda maanta uu ahaado Wasiir Ku-xigeenka Wasaaradda Xidhiidhka Goleyaasha, Cilmi Baadhista iyo Technology-yadda ee Jamhuuriyadda Somaliland.
ALLAA MAHAD LEH
Axmed Saleebaan Maxamed (Dhuxul)
Af-hayeenka Madaxtooyada JSL.

Contact: sacadmuniir7:gmail.com

Madaxweyne Siilaanyo Oo Digreeto Ku Magacaabay Danjirayaasha Somaliland U Fadhiyi Doona Wadamada China Iyo Isutaga Imaaraadka Carabta

Madaxweyne Siilaanyo Oo Digreeto Ku Magacaabay Danjirayaasha Somaliland U Fadhiyi Doona Wadamada China Iyo Isutaga Imaaraadka Carabta

WAR-SAXAAFADEED-30/06/2015

Madaxweynaha Jamhuuriyada Somaliland Mudane Axmed Maxamed Silaanyo waxa uu digreeto madaxweyne oo summadeedu tahay JSL/M/XERM/249-3383/062015, ku magacaabay laba danjire oo cusub, Somaliland u fadhiyi doona Dalalka China iyo Isu-tagga Imaaraadka Carabta.

Madaxweynuhu:-

Markuu Arkay: Qodobka 90aad, Faqradiisa 3aad, Xarafka (r) ee Dastuurka Jamhuuriyadda Somaliland;

Markuu Tixgeliyey: Ahmiyadda Wakiiladda Somaliland u fadhiya dalalka dibaddu u leeyihiin dhismaha Qaranka;

Markuu Arkay: In baahi loo qabo magacaabista iyo buuxinta jagada Wakiilada Jamhuuriyadda Somaliland u fadhiya Dalalka China; iyo Isu-tagga Imaaraadka Carabta.

Markuu Ka Fiirsaday: Kartidooda, aqoontooda iyo hufnaantooda shaqo;

Markuu Ku Qancay: In ay hanan karaan xilkan loo magacaabay;

Wuxuu go’aansaday

1. In Mudane, Cabdi Maxamuud Saleebaan Ciise (Mingiiste), laga bilaabo taariikhda maanta uu ahaado Wakiilka Jamhuuriyadda Somaliland u fadhiya Dalka China
2. In Mudane, Baashe Cawil Cumar, laga bilaabo taariikhda maanta uu ahaado Wakiilka Jamhuuriyadda Somaliland u fadhiya Dalka Isu-tagga Imaaraadka Carabta.

ALLAA MAHAD LEH
Axmed Saleebaan Maxamed (Dhuxul)
Af-hayeenka Madaxtooyada JSL.

Ciidamada Itoobiya ee ka tirsan AMISOM oo la Geeyay Saldhiggii Lego ee lagu Weeraray Ciidanka Burundi

dagalTalaado, Juun 30, 2015 (MGN) — Ciidamada ka socda Itoobiya ee Qaybta ka ah AMISOM ayaa la Wareegay Saldhiggii Ciidamada Burundi lagu Weeraray Jimcihii lasoo dhaafay ee Deegaanka Leego, Halkaasoo lagu dilay in ka badan 50 ka mid ah Askarta ka socda Dalka Burundi ee ka tirsan AMISOM.

Wararka ayaa sheegaya in ciidamada Itoobiya markii ay tagayeen deegaanka Leego oo ka tirsan Gobolka Shabeellada Hoose aysan joogin inta badan shacabkii ku Noolaa, kuwaasoo barakacay markii Al-shabaab ay weerartay xeradaas.

Goobjoogayaal fara-ku-tiris ah oo weli ku sugan deegaanka ayaa wrabaahinta u sheegay inay saldhiggii lagu weeraray ciidamada Burundi soo galeen ciidammo aad u fara badan oo ka socda dalka Itoobiya.

Ciidamada Itoobiya ee la wareegay saldhigga ay AMISOM ku leedahay deegaanka Leego ayaa Waxay kusoo beegmaysaa Xilli shalay ay mar kale Ciidamadii dalka Burundi oo dib ugu laabtay xerada ay isaga baxeen, taasoo lagu sheegay inay tahay xeelad dagaal.

Is-bedelka ciidamada Burundi iyo kuwa Itoobiya ee kawada tirsan AMISOM ayaan si dhab ah loo ogeyn sababta ka dambeysa, balse deegaanka uu weerarku ka dhacay oo ka tirsan Gobolka Shabeellada Hoose ayaa waxay ka mid tahay goobaha horay loogu calaamadeeyay inay ka howlgaan ciidamada Itoobiya.

Al-shabaab oo lahayd mas’uuliyadda weerarkaas ayaa sheegtay inay ku dishay in ka badan 60-askari oo ka tirsan ciidamada AMISOM, ayna gacanta ku hayaan, sidoo kalena ay gacanta ku hayaan askar nool iyo kuwo dhaawac ah.

Ugu dambeyn, Afhayeenka Ciidamada Dalka Burundi oo isaguna warbaahinta kula hadlay magaalada Bujumbura in ciidamadooda ku sugan Somalia looga dilay weerarkii ka dhacay Jimcihii in ka badan konton askari.

Si kastaba ha ahaatee, Taliska AMISOM ayaan weli ka hadlin isbedelka ciidamada kawada tirsan AMISOM ee Dalalka Itoobiya iyo Burundi, iyadoo la Xusuusto in Xoogag ka tirsan Al-shabaab iyo ciidamada Itoobiya ay toddobaadkii hore ku dagaallameen Jameecada oo ka tirsan Gobolka Bay, kuna dhow deegaanka Leego

Xarakada Al-Shaaab ayaa soo bandhigtay Sargaal Itoobiyaan ah oo kasoo baxsaday ciidamadii uu katirsanaa iskuna soo dhiibay

Al-shabaaXarakada Al-Shaaab ayaa soo bandhigtay Sargaal Itoobiyaan ah oo kasoo baxsaday ciidamadii uu katirsanaa iskuna soo dhiibay Dagaalyahanada Xarakada Al-Shabaab ee ka arimiya Gobolada Baay iyo Bakool.

Sargaalkan kasoo goostay Ciidamada Itoobiya iskuna dhiibay Al-Shabaab ayaa magaciisa lagu sheegay Talahun, waxa uuna qaabilsanaa Ciidamada Itoobiya dhinaca saadka, isagoona katirsanaa Ciidamada Itoobiya ee saldhiga ku leh degmada Qansax-Dheere.

Al-Shabaab ayaa sargaalkan isku soo dhiibay waxa ay kusoo bandhigeen Munaasabad ka dhacday Degmada Diinsoor ee Gobolka Baay, waxaana Sargaalkan markii lasoo bandhigay kadib uu qaatay diinta Islaamka iyadoona halkaasi Towxiidka loogu qabtay.

Munaasabada lagu soo banhigayay Sragaalkan Itoobiyaanka waxaa ka hadlay Gudoomiyaha Al-Shabaab u qaabilsan Gobolada Baay iyo Bakool Sheekh Mucalim Geedow, waxa uuna cadeeyay Gudoomiyaha in ay soo dhaweenayaan Sragaalkan kasoo baxasady Ciidamada Itoobiya dhankoodana isku soo dhiibay sidoo kale qaatay diinta Islaamka.

Waxaa Sidoo kale goobta munaasabada ka hadlay Col.Talbun oo ah sarkaalka Itoobiyaanka ah ee qaatay diinta Islaamka’ kana soo goostay ciidamada Itoobiya ,waxa uuna tilmaamay in uu ku faraxsan yahay in uu kasoo baxay Ciidamada Itoobiya uuna qaato Diinta Islaamka dhinacoodana uu istaago Al-Shabaab.

Taliska AMISOM gaar ahaan kuwaItoobiya ayana wali ka hadlin Sargaalan Itoobiyaanka ah ee katirsanaa Ciidankooda ee isku dhiiba Al-Shabaab, waxaana sargaalkan oo la baxsaday qorigiisa uu socod ku galay deegaano ay kataliyaan Al-Shabaab halkaasna iska dhiibay.

 

Daawo:Qaybta 2AAD Sawirada Munaasibadii Caleema Saarka Cheif Caaqilka Beesha Aadan Madoobe Barkhad Cabdi Shaybe Iyo Xubno Ka Socda Golaha Wasiirada Iyo Madax dhaqamed Tiro Badan Oo Ka Soo Qaybgalay

 Munaasibadii Caleema Saarka Cheif Caaqilka Beesha Aadan Madoobe Barkhad Cabdi Shaybe Iyo Xubno Ka Socda Golaha Wasiirada Iyo Madax dhaqamed Tiro Badan Oo Ka Soo Qaybgalay.

Sacad Faransa

Magudhenews.com

Burco

Contact:sacadmuniir7@gmail.com